الاثنين، 25 يوليو 2011
مابكيت الا غلاه ولا شكيت الا غيابه
إمتلا وجـه الدفاتـر بالحكـي ودمـع الكتابـه
حادرٍ يسقـي حـروف بالنـدم والحـزن لونـه
مـا بكيـت الا غـلاه ولا شكيـت الا غيـابـه
ماوفيـت الا معـاه ولا عشقـت الا عيـونـه
ما رحمت قلبي .. لا ولاسألتـه عـن صوابـه
الهوى جرح القلوب وإسألونـي عـن طعونـه
هايمٍ بأرض المحبـه والجـروح اللـي تشابـه
ثايرٍ فينـي جنونـي (عاشـق وتـاه بجنونـه)
يا حكايات المـوادع كلـك غمـوض وغرابـه
يا تفاصيـل الفـراق ذاب قلبـي مـن شجونـه
من يموت من الوفا ؟ من يرتوي بشوف السحابه ؟
يا زماني والمحبـه عهدهـا منهـو يصونـه ؟
الله المعطـي وغيـره والله إنـي مـا أهـابـه
" أشتري عزة خفوقـي لـو حبيبـي ترخصونـه
الوله فيني .. مسافة غامضـة وأغصـان غابـه
والفرح لوهو ذكرته .. القـدر دونـي ودونـه
علمـوه إن الليالـي مدبـره لـو صـك بابـه
علموة إن كان ساومنـي تـرى خابـت ظنونـه
مابكيت مـن الغـلا .. بـس .. بكانـي غيابـه
ماكتبت الا جروحـي ياليـت تحظنهـا عيونـه
ودي اضمك من كل قلبي
 وتزيد تضميني حيل لكـ ودي انسى العالم وماحس الا بدفا قلبك تتكلمي وتقولي ::: وحشتني يابعد قلبي واقولك اشششــ تعبت اسمع كلام لسانك بس في شيء ودي اسمعه واقرب واحط راسي قريب من ضلوعك  واسمع دقات قلبك وكل ماقرب لأجل اسمع اوضح القى قلبك تزيد نبضاته ابتسم بلا شعور واضم صدرك حيل تهزيني وتقولي :: واقولك :: ارحمي قلبي الأول وقربي وزيدي وضمني ..!!  اوعدكـ عمري مابمل من دفا حضنك وعمري ماراح احس بالضيق وش ابي اكثر من حبيبه نسى العالم كله  وضمتني حيل لأحضانه ودي اطلبك طلب ولا تردني طلبتك لاتملي طلبتك لا تقولي خلاص تعبت طلبتك خليني أنام الليله بحضن قلبك ودي انام ع صوت نبضك وودي اصحى ع صوته خليني ليله في أحضانك خليني أنسى الهم والضيقه  ضميني حبيبتي ضميني باقوى ماعندك مابي منك رحمة ولا خوف ع ضلوعي ابي حضن يكسر ضلوعي ويخلي أجسادنا وحده ابي كل اللي يشوفنا يقول :: ليتني الحين في أحضان حبيبتي ابي كل الناس تتكلم وتقول ابي اسمع كلمة :: كنهم جسد واحد {..الله لا يفرق حبيب عن حبيبه  عرفتي الحين وش هو حلمي عرفتي انه بيدك تحققه وبيدك تهدمه طلبتك لآخر مرة   |
.
ماعاد تبغاني خلاص
 ما هو عشاني يالغلا ميتاً فيك تثقل وتتكبر على واحد اغلاك وما هو عشان الله بالزين كاسيك تنسى وتتناسى واحداً كان يهواك عناد ليا من قلتي عناد قال لبيك ولامن طلبتي قال اَمر وطلبك جاك ولا من تعبتي قال فيني ولا فيك  واليا عطشتي قال انا فدوة شفاياك ولا من زعلتي جاء عندك يراضيك ولا من بكيتي قال ملعون من ابكاك وبعد هذا كله تبي تذل من كان يغليك تبي تذل من حطك في عينه وغطاك  يا هيه بقولك شي قبل ما امشي واخليك بقول لك كلمه قبل لا اروح وانساك عساك ما تنعم بحياتك وماضيك وعسى السعاده تفارق حياتك وتجفاك وعسى المرض يصيب كل عضو فيك  ومن زود امراضك ما تحصي اللي بعد جاك وعساك في حادث منه تروح رجليك امين امين امين يا ربي يا عل وعساك وعساك ما تسمع من حولك يناديك وامك تموت من القهر من عظم بلواك  ولامن توفيتي يا عسى النار تصليك نار الجحيم اللي تحرقك وتغشاك انا الذي بيدي رفعتك وبيدي بوطيك تحت القدم بحطك واتوطاك وانساك  وانسى غرامي معك وانسى تعاليك لانك احساس تافه ما عاد انا ابغاك يا هيه لابوك ولابو حيك وطاريك ولابو الزمان اللي جمعني بشرواك  |
.
الاشتراك في:
الرسائل (Atom)