قصيدة خجوله‎

  

عــنــدي قــــصـــيــــدة تـــونــــي قـــلــتــهــا فــيـــك أقـــــدر أســمــيــــهـــا قـــصــيـــدة خـــجــــولــــــــة مــــــو مــن مــقـــامـــك لــكــن وراس غـــالــيــــــك تـــــســــوى الــــذي كـــنـــت بــــســـنــيـــني أقـــولـه فــــيـــهــــا أوصّـــــل لـــك تـــحــيـــة مـــحــبـــيـــــك: (دمـــــي) و(لــــحــــمـــي) و(الــــعــــظــــام الـــنـــحـــولـه) فــــضـيـلـتـك .. يــــا حـــضـــرتــك .. يــا مـعـالـيــــك يــالـــغـــيــم .. يــــالـــقـــطـــر الــنــديّ بــهـطــولــه     يـالـــشـمـس / يا هـمـس الـمـسا / يـالـــشـبــابــيــك يــــالـــعــنـــد / يـا طـــيــش الــصــبـا / يـالــطــفـولـــه ودّي ألـــــمّــــك ..وأحـــ...ـــك مـــــا أخــــلــــيـــــك لــــيـــــن الـــمـــســـا يـــعــلـــن نـــهــايــة حـــلــولــه يــــا غـــالـــي(ن) بـــاســـمـــك , ولا راح اســـمـيــك خـــلّــــي الــــمـــتــــابـــع يــــنـــحـــرق فـــي فـــضـولـه الـــبــــال عـــنـــدك , لا مـــعـــك , لا حــــوالـــيـــــك مـــــا تـــبـــعـــــدك عـــنــــي الـــقــــلـوب الــعـــذولــه مـــجنـون شـــعـــري .. يــا تــرى .. كــيـف أوريـــك أن الـــشـــعـــر يـــــمّـــــك تــــــغـــــيّــــــر مــيـــولــــه حـــــتـــــى الــــقــــصـــيــدة الـــلي أنــا قــلـتـهــا فـيـك مــــن هـــيـــبــتـــك صــارت قـــصــيـــدة خـــجـــولـــة

ودعـتـكـ وقـلبي مـعاكـ »

ودعـتـك وقـلبي معـاك ولاقـدرت أودعـه ابسـألك لو مارجـعـت وشلون أنا بـرجـعه مـادامك أكثر من يغيـب ولا تـركت إلا حبـيـب ان طـالت الرحـله عليه أكـثر مسافاتـك معـه واللي يـبي الفـرقى خلاص يلـقى سبـب لأجل الـخلاص لو مايخـونه أي حبـيب يقـوى هـواه ويمـنعه أنا عذرتـك بالرحـيل والحـمل من دونك ثقيـل ودعـتك وقلـبي معـك قـلبك مـتى بـ أودعـه

امسح دموعك‎

ماجيـت أسألـك عـن سـر دمعاتـك بكيـت .. ماقـدرت أشــوف عيـنـك بالمدامـع تختـنـق..لاتجاملـنـي وتضحـك .واضـحـه لو مـآحـكـيـت .. لاتصـور لـي حكـايـه مــن فـــراغ وتخـتـلـق .. كـل مافيـك يتكلـم حتـى فــي صمـتـك لقـيت .. أن سهـم الـبعــد نافــذ وابـتديـنـا نـفــترق .. وش أقـول لدمع عينك والقصور اللي بنيت ..؟؟ وكيف أصـبّر قلبي اللي بين إيدينـك ويحـترق ..؟؟ أدري انه غصـب عنـك وأدري انـك مانويـت .. و أدري انـه فـي زمنّـا حتـى [ حلمـك ] ينسـرق .. بس لاتبكـي طلبتـك وسـوى نفسـك مادريـت .. والا انـا حظـي وأعرفـه .. مع زمآنـي متـفـق .. لابغيـت أفـرح ثوانـي قلـت .. ليـت وليـت ليـت .. ليتني .. وباقي كلامي وسط صدري يختنق .. أمسح دموعـك فديتـك وأبتسـم لامـن طريـت وجيت في بالك وقل لي   كان لازم نفترق

.

الخير بوجهك

الخير بوجهك متى مارحت راح الخير

ماعــلموك شكــثر ضايقــني فراقــــك

احـن لك والشعـور يخـونه التعبـــــير

ليـن اخــر الليل اقــوم اقــلب اوراقـك

المشكــله مالقيت الـ هالغــلا تفســير

الا اني احتـــاجك اليا غبـت واشتاقك

سبقـني الطير يمــك او سبقـت الطير

ماهو مــن اول وانا والطـير عشاقـك

مـو مثل الاول احبك بس احبـك غـير

تدري شكثر اكثر من الشوق لعناقـك

مافــي شـئ مهـم اللي يصـير يصـير

اهم حاجه هي اشواقي وهي اشواقـك

مـن قال لحـظة فـراقـك مالها تأثـــير

احـس روحي تبي تطلـع من فراقـــك

محتـاج لــك حـيـل والله

محتـاج لــك حـيـل والله يقـطـع الحـاجـه

حدتـنـي وجـيـت اداري دمـعـة عـيـونـي

بايـن عـلـي التـعـب والضـيـق وانتـاجـه

منـهـار لـونـي متـغـيّـر مـاهــو بـلـونـي

لقيـتـك .. الـلـي يـصـد مـعـقـد حـجـاجـه

وانت اقرب النـاس والغالـي ومضنونـي

سـكــرت بـابــك وقـفـلـتـه بـمـزلاجـــه

قــدام وجـهـي وكـل الـنـاس شـافـونــي

لكـن علـى الله بديـه الضـيـق وافـراجـه

والا انـت الله معـك خابـت بـك ضنـونـي

بــلاش مـنـك ومــن موقـفـك واحـراجـه

رح واتبـع اللـي خــذوا مـنـي وخلـونـي

مـن صـد عنـي تــرى مانـيـب محتـاجـه

من دونه اعيش دامه عـاش مـن دونـي

وان قـــدر الله مـــع الايــــام نـتـواجــه

تـمــر مـثـلـك مـثــل نـاســن يـمـرونــي

فـي عيونـي تصيـر ماتـسـوا ولا حـاجـه

من عقب ماكنت تسوا الناس في عيوني

تـعـال اغنيـلـك الـمـوال

تـعـال اغنيـلـك الـمـوال وغـيـابـك
للشـوق ( بحـه ) تميـز نبـرة اشعـاري

زهبـت عـذري وردي لاابتـدى عتـابـك
كم لي افكـر شقـول ان قلـت شالطـاري

بقـول مشتـاق للطعنـه مــن اهـدابـك
ومشتـاق اكثـر لقولـة باخـذ بثـاري !!

وبقـول مليـت مـدري ملـنـي بـابـك
من غبت دونه وقـف عمـري ومشـواري

مغير اسولف لـه اللـي صـار باسبابـ
كوارمـي عليـه الشقـا والهـم واعـذاري

من غير لا ادري اجي وان قال وش جابك ؟
قمت اتساقط علي مـن ( غيمـة افكـاري)

ليـن اتبلـل (( ولـه )) واطيـر اسرابـك
وتـروى عصافيـر فرقانـا مـن انهـاري

وارد ميـت عـطـش واقـلـب كتـابـك
واقرى حكايـة سـراب ٍ عـذب ازهـاري

شفنـي ذبلـت وطفيـت وجيـت ابحيابـك
عمـري دفعتـه ثمـن دربـي ومسيـاري

امـا تخلينـي احـيـا فـيـك وابقـابـك
ولا تـاكـد وفـاتـي آخــر اخـبـاري

ابك انت مـره طرالـي احـرق اعصابـك
طاوعت فكري عليك وجيـت لـك سـاري

فكـرت ابيعـك وابعثـر بالمـدى اطيابـك
عقلي نواها وقلبـي قـال انـا ( شـاري )

ورديت احسك بصدري واحسـب احسابـك
انـي زرعتـك لقـا وابقطـف اثـمـاري

والـيـوم دام المـسـا تــوه تغـنـابـك
اقـررب مدامـك لحـن تشتاقـه اوتـاري

ابعـزفـك للقصـيـد الـلـي تسمـابـك
وشب لـك داخـل بحـور الشعـر نـاري

واسمعـك مـا كتبتـه لـيـن ( ينتـابـك
غرور ) واسمـع كـلام ٍ عـده اجبـاري

لاصـرت انـا والقلـم والدفتـر احبابـك
يحـق لـك لـو تقـول ان الشعـر داري

ما قلتهـا قصـدي انـي اكسـب اعجابـك
لكنـي بـهـذي ادري ويــش مـقـداري

الصعب جذاب وانـت الصعـب يزهابـك
وانا علـى الكايـده يـا عاشقـي ضـاري

وان جات للجـد لـه لـذه تـرى غيابـك
شف ( بحة الشوق ) كيف تميز اشعاري ؟؟

بـــــــلآد الحلم

جاني واحد قال : بسأل كم سؤال
وقبل يسأل قلت : أنا ماني خبير !
قال: جاوب بس , يا ولد الحلال
وكل كلمه حِطَّهَا .. فبيتٍ صغير
قال نبدي : شنهو تعريف المُحال..؟
قلت :
خَل الكلمهـ
فـ الشطر الأخيـر ..!

القهر : إن شفت دمعـات الرجال
والوطن : ( إنسان ) .. مِتغيِّر كثير
والطفل : لعبه على شاطـي الرمال
والأمل : إحساس في عين الضرير
الوفا : [ قلبين ] .. يجمَعهُم حلال
والرَجُل : اللـي علـى أهلـه يغير
والرجا : لا قلت : للواطـي تعال
والفشل : مدري .. ولكنـه مرير
الشعر : في وقتنا .. بدر وطلال
وكان أوَّل : حيـل يعجبنـي جرير ..!

والغلا : إحساس إلى حَـد الخيال
والعِشِق : لا شفت مَعشُوقِك تطير
والجفا : إعكس مفاهيم / الوصال
والوَصِل : يعنـي تأكَّـد فيك خير
والعقل : تِسْفَـه أقاويـل الجهال
والجهل : إن قلت عن نفسك كبير
والخطر : لا صار ما عندك مجال
والبلا : إن صرت معدوم الضمير
والعجب : لا صرت تسأل منهو قال
والتعب : إن كنت تِبْحَثْ عن مصير
الغنى : بالنفس ما هو راس مال
والفقر : من كان .. بأعماله فقير

يكفي يكفي .. أسئله إنهي الجدال
ويالله علمني عَن .. السِّر الخطير
ما أبي تضرب لي في غيرك مثال
قول : عنِّك وإعتبر سِرِّك في بير

جات طعنـه مِن جنوبك والشمال
يعني وضعِك بين مِن حُولك خطير

صاحبـي وإن ضاقت بعينك ليال
لك فرشت القلب مفروش الحرير

في [ بلاد الحلم ].. ممنوع العقال
والمصيبه الشعب ما أختار الأمير

وما ألومك .. كان شدِّيت الرحال
دام بيتك جرح / وفراشك حصير

هذا تعريفي إلى كلمة : مُحَال
شي ودِّك فيه ولا يمكن يصير ..!
: