انسى العالم كله
الجمعة، 4 مارس 2011
لــــحــظــة فــــــــــراقـــــكـ
لحظة فراقك انكسرقلب مغليك
واخفيت دمعي غصب عني وصديت
حتى عيوني ماتبي تلتفت فيك
خايف دموعك تستِبيح اللي اخفيت
واقفيت عنك والاماني تناديك
تركت روحي في يديك وتوفيت
يفداك عمري كل مافيني يبكيك
ياالله دخيلك مدري انا حي او ميت
وشلون اصبر لوطرتلي طواريك
من يمسح ادموعي لوذكرتك وناديت
وشلون انسى ذكرياتك وماضيك
هو يرجع اللي راح لوصحت ياليت
ياوقت قلي وش بقى من بلاويك
ماعاد تفرق لو ظلمت وتماديت
زيد الجروح ولو تبي زود بعطيك
لا ..لايهمك لو صرخت وتهاويت
لاتنتظر مني على حزني ارجيك
حيل الله اقوى ولا لغيره ترجيت
--
ليست هناك تعليقات:
إرسال تعليق
رسالة أحدث
رسالة أقدم
الصفحة الرئيسية
الاشتراك في:
تعليقات الرسالة (Atom)
ليست هناك تعليقات:
إرسال تعليق