وين أنت ياملهم قصيدي أناديك !!!!
الصدر ضاق وخاطري منك ما طاب
أخر قصيدة حب موضوعها فيك
مضمونها يا صاحبي لوم وعتاب
يوم غبت عني كل يوم أحاتيك
أنت الوحيد اللي على البال ماغاب
وش يقول اللي تعود يلتقيك
يوم عمرة مالقى عقبك غلا
ما قدر في بعدك إلا يحتريك
وما عرف غيبتك غير الوله
كم تمنى بالوفا لو يحتويك
في خفوق بأصدق الود أمتلا
لو بيدينه بس يقدر يجيك
مايحول الوقت والملا
ذكرتك والدروب اللي تعانق خطوتك بسكات
أنا مازلت أسافر بين نظرتك وكلماتك
وأنطفا جمر السلام وذابت الشمعات
أنت في راحه وأنا أقول هيهات
أنا لا جيت أبرتاح تطاردني بنظراتك ....
وين أودي شوق قلبي والوله
لو غديت بعيد بحبي ما اسمعك
تملك إحساسي وفكري تشغله
ترحل طيوفك وفكري يجمعك
هاك قلبي
هاك ليتك تقبله
خذ سنين العمر أو خذني معك
أنت تالي العمر وأنت أوله 0000
من يقول أني نسيتك يخدعك
لو الرسالة تقتل أبعاد وفراق 000
لأرسلت لك في كل لحظه عبارة 000
حبك جريمة والجزاء سجن الأشواق
سجني مؤبد بس صوتك زيارة
لكن لي قلب للأحباب توافق
لو غاب محبوبه بقى في أنتظارة
ليتك تمر اليوم عندي وأحاكيك
وأقولك من كثر شوقي أعلومي
حتى القمر لو تطلبه قال لبيك 000
يخضع وتخضع من وراه النجومي
ماسر قلبي غير حبك وطاريك
أشتاق لك حتى وأنا في أحلومي
يامبعدن عن شوف عيني مسافات
لا تحسب انه يخلف البعد ضني
حبك بقلبي شامخ مابعد مات
وما هزته بعد المسافات
عني لو نبتعد روحي وروحي قريبات
الغلا جمعهم غصب عنك وعني
جيتك وأنا ماني بتايه الراي
جيتك وأنا مدري وش اللي بغيته
وأن كان تنشد اليه أنا جاي
ابشرك برد يقنعك لا قريته
أن مر يوم بالعمر منت وياي
أشتاقلك شوق المسافر لبيته
لا تلومني لا جيتك كلي من أقصاي
مافيه غيرك لا تضايقت جيته
ليست هناك تعليقات:
إرسال تعليق